అక్షరటుడే, వెబ్డెస్క్: నిజామాబాద్ నగర శివారులో శుక్రవారం జరిగిన రోడ్డు ప్రమాదంలో ఓ డ్రైవర్ అక్కడికక్కడే మృతి చెందాడు. ఈ ఘటన మల్లారం గండిలో జరిగింది. ధాన్యం లోడుతో వెళ్తున్న లారీ మల్లారం అటవీ ప్రాంతంలో బీడీల ఆకు లోడుతో వస్తున్న ఓమినీ వాహనాన్ని ఢీకొంది. ఈ ఘటనలో క్యాబిన్లో ఇరుక్కొని వ్యాన్ డ్రైవర్ మృతి చెందాడు. సంఘటనా స్థలానికి పోలీసులు చేరుకొని దర్యాప్తు చేపట్టారు.
