అక్షరటుడే, కామారెడ్డి గ్రామీణం : బైక్ టైర్ పేలి ఒకరు మృతి చెందిన ఘటన భిక్కనూరు మండలం అంతంపల్లి జాతీయ రహదారిపై శుక్రవారం సాయంత్రం చోటు చేసుకుంది. స్థానికులు తెలిపిన ప్రకారం.. దోమకొండ మండలం ముత్యంపేట్ గ్రామానికి చెందిన స్వామి గౌడ్ భిక్కనూరు నుంచి ఇంటికి వెళ్తున్న సమయంలో అంతంపల్లి వద్ద బైక్ టైర్ పేలింది. రోడ్డు పక్కనే ఉన్న రెయిలింగ్‌కు బైక్ వేగంగా ఢీకొట్టడంతో స్వామి గౌడ్ అక్కడికక్కడే మృతి చెందాడు. సంఘటనాస్థలాన్ని భిక్కనూరు పోలీసులు పరిశీలించారు.
