అక్షరటుడే, కోటగిరి: విద్యుదాఘాతంతో మహిళ మృతి చెందిన ఘటన కోటగిరి మండలం ఎత్తొండ క్యాంపులో చోటుచేసుకుంది. కోటగిరి ఎస్సై సందీప్ తెలిపిన వివరాల ప్రకారం.. గ్రామానికి చెందిన లక్ష్మి(40) శుక్రవారం మధ్యాహ్నం బట్టలు ఉతికి ఆరేస్తుండగా కరెంట్ షాక్ తగిలింది. వెంటనే గమనించిన కుటుంబ సభ్యులు కోటగిరి ప్రభుత్వ ఆస్పత్రికి తరలిస్తుండగా మృతి చెందింది. మృతురాలి భర్త శ్రీనివాస్ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.
