అక్షరటుడే, కామారెడ్డి టౌన్: బైక్ పై వెనుక నుంచి వచ్చి మహిళ మెడలో నుంచి దుండగుడు చైన్ లాక్కెళ్లిన ఘటన సోమవారం రాత్రి కామారెడ్డి పట్టణంలో చోటు చేసుకుంది. పట్టణ సీఐ చంద్రశేఖర్ రెడ్డి తెలిపిన వివరాలు ప్రకారం.. కామారెడ్డి పట్టణంలో సోమవారం రాత్రి పదిన్నరకు అడ్లూరు గ్రామానికి చెందిన భార్యాభర్తలు కుంబాల రాజు, సౌమ్య బైక్‌పై కామారెడ్డి నుంచి అడ్లూరు వెళ్తున్నారు. బ్రిలియంట్ స్కూల్ వద్ద వెనుక నుంచి పల్సర్ బైక్‌పై వచ్చిన వ్యక్తి సౌమ్య మెడలో 3 తులాల బంగారు గొలుసు లాక్కొని పారిపోయాడు. సౌమ్య ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు సీఐ పేర్కొన్నారు.
