అక్షరటుడే, ఎల్లారెడ్డి: బ్యాంక్‌ నుంచి డబ్బులు తీసుకుని ఇంటికెళ్తుండగా బైక్‌పై వచ్చిన దుండగుడు బ్యాగ్‌ను ఎత్తుకెళ్లిన ఘటన మంగళవారం నాగిరెడ్డిపేట మండలంలో చోటుచేసుకుంది. వివరాల్లోకి వెళ్తే.. నాగిరెడ్డిపేట మండలం తాండూర్‌ గ్రామానికి చెందిన జక్కుల రాములు గోపాల్‌పేటలోని బ్యాంక్‌లో రూ. 85వేలు డ్రా చేసుకుని ఆటోలో తాండూర్‌కు వచ్చాడు. ఆటో దిగి ఇంటికి నడుచుకుంటూ వెళ్తుండగా ఆయన చేతిలోని బ్యాగ్‌ను వెనుక నుంచి బైక్‌పై వచ్చిన దుండగుడు తస్కరించాడు. నాగిరెడ్డిపేట పోలీస్‌ స్టేషన్లో ఫిర్యాదు చేసినట్లు బాధితుడు తెలిపారు.
