అక్షరటుడే, నిజామాబాద్‌ సిటీ : ఇంట్లోకి దూరిన దుండగుడు మాయమాటలు చెప్పి మెడలో బంగారు గొలుసు చోరీ చేసిన ఘటన నగరంలోని న్యూఎన్జీవోస్‌ కాలనీలో బుధవారం సాయంత్రం జరిగింది. వివరాల్లోకి వెళ్తే.. న్యూ ఎన్జీవోస్‌ కాలనీలో నివాసముంటున్న సిద్దిరాములు ఇంట్లోకి వచ్చిన ఒక గుర్తుతెలియని వ్యక్తి మాటామాట కలిపి ఆయన మెడలోని రెండు తులాల గొలుసును లాక్కుని వెళ్లిపోయాడు. వెంటనే పోలీసులకు ఫిర్యాదు చేయగా వారు సీసీ పుటేజీ ఆధారంగా ఇద్దరు వ్యక్తులను అదుపులోకి తీసుకుని విచారిస్తున్నారు. సంఘటనా స్థలానికి సీసీఎస్‌ టౌన్‌ ఇన్‌స్పెక్టర్‌ సురేశ్‌, టౌన్‌ సీఐ శ్రీనివాసరాజ్‌, ఎస్సై-2 నర్సయ్య తదితరులు పాల్గొన్నారు.
