అక్షరటుడే, వెబ్ డెస్క్: చట్టం దినపత్రిక ఎడిటర్ సిరిగాద ప్రసాద్ కు కలం యోధ అవార్డు వరించింది. ఈ మేరకు ఆదివారం నగరంలోని రాజీవ్ గాంధీ ఆడిటోరియంలో సంగీత్ కల్చరల్స్ అకాడమీ వార్షికోత్సవం నిర్వహించారు. ఇందులో భాగంగా వివిధ రంగాల్లో ప్రముఖుల సేవలను గుర్తించి అవార్డులు అందజేశారు. కార్యక్రమానికి ముఖ్య అతిథిగా హాజరైన సినీ నటి ఎస్తర్ చేతుల మీదుగా సిరిగాద ప్రసాద్ కలం యోధ అవార్డు అందుకున్నారు. కార్యక్రమంలో సినీ రచయిత కాసర్ల శ్యాం, ఎడ్యుకేషనల్ కన్సల్టెంట్ అమెరికా వాణి గడ్డం, నగర మున్సిపల్ కమిషనర్ మకరంద్, టీఎన్జీవోస్ రాష్ట్ర ఉపాధ్యక్షుడు గైని గంగారాం, జిల్లా అధ్యక్షుడు అలుక కిషన్, డీఆర్డీఓ సాయగౌడ్, జీజీహెచ్ సూపరింటెండెంట్ డా ప్రతిమా రాజ్, సంగీత్ కల్చరల్ అకాడమీ నిర్వాహకులు, తదితరులు పాల్గొన్నారు.
