అక్షరటుడే, ఇందూరు: రాష్ట్రస్థాయి ఉత్తమ ఉపాధ్యాయుల జాబితా బుధవారం విద్యాశాఖ ప్రిన్సిపల్ సెక్రెటరీ బుర్రా వెంకటేశం విడుదల చేశారు. ఇందులో నుంచి నిజామాబాద్ జిల్లా నుంచి ఇద్దరు, కామారెడ్డి జిల్లా నుంచి ఇద్దరు ఉపాధ్యాయులు ఎంపికయ్యారు. ఆలూరు జిల్లా పరిషత్ ఉన్నత పాఠశాలలో ప్రధానోపాధ్యాయుడిగా విధులు నిర్వహిస్తున్న మీస నరేందర్, జిల్లా కేంద్రంలోని దుబ్బ ప్రభుత్వ పాఠశాలలో స్కూల్ అసిస్టెంట్ గా పనిచేస్తున్న ముద్దు కృష్ణ ఉత్తమ ఉపాధ్యాయులుగా సెలెక్ట్ అయ్యారు. అలాగే కామారెడ్డి జిల్లా నుంచి చిన్నమల్లారెడ్డి జెడ్పీ బాలుర ఉన్నత పాఠశాల స్కూల్ అసిస్టెంట్ రామకృష్ణ, పాల్వంచ ప్రభుత్వ పాఠశాలలో స్కూల్ అసిస్టెంట్ గా పనిచేస్తున్న స్వర్ణలతకు ఉత్తమ ఉపాధ్యాయురాలిగా అవార్డు వరించింది. ఎంపికైన ఉపాధ్యాయులు సెప్టెంబర్ 5న హైదరాబాద్ బేగంపేట్ లోని టూరిజం ప్లాజాలో ఉదయం 8.30 గంటలకు హాజరుకావాలని డీఈవో దుర్గాప్రసాద్ సూచించారు.
