అక్షరటుడే, కామారెడ్డి: సాయి రోనక్‌, ప్రగ్యా నాగ్రా హీరో హీరోయిన్లుగా నటించిన లగ్గం సినిమా ప్రివ్యూ షోను సోమవారం జిల్లా కేంద్రంలోని దర్శన్‌ థియేటర్‌ లో ప్రదర్శించారు. బీబీపేట మండలం జనగామకు చెందిన వేణుగోపాల్‌ రెడ్డి ఈ చిత్రానికి నిర్మాతగా వ్యవహరిస్తున్నారు. ఈ సినిమా చిత్రీకరణ షూటింగ్‌ దాదాపు 80 శాతం జనగామ, చింతమడక ప్రాంతాల్లోనే జరిగింది. తన ప్రాంతానికి చెందిన ప్రజలకు ముందుగా సినిమా చూపించాలనే ఉద్దేశంతో ప్రివ్యూ షో వేశామని వేణుగోపాల్‌ రెడ్డి పేర్కొన్నారు. ఈనెల 25న సినిమా విడుదలవుతుందన్నారు.
