అక్షరటుడే, వెబ్ డెస్క్: రాష్ట్ర ఒలింపిక్‌ సంఘం ఎన్నికలు నేడు జరగనున్నాయి. ఉదయం 11 గంటలకు సర్వసభ్య సమావేశం నిర్వహిస్తారు. మధ్యాహ్నం 12 నుంచి సాయంత్రం 4 గంటల వరకు పోలింగ్‌ ఉంటుంది. అధ్యక్ష పీఠానికి రాష్ట్ర బ్యాడ్మింటన్‌ సంఘం ఉపాధ్యక్షుడు వి.చాముండేశ్వరనాథ్‌, మాజీ ఎంపీ జితేందర్‌ రెడ్డి పోటీపడుతున్నారు. ప్రధాన కార్యదర్శి పదవికి సైక్లింగ్‌ సంఘం అధ్యక్షుడు పి.మల్లారెడ్డి, బాక్సింగ్‌ సంఘం అధ్యక్షుడు సీహెచ్‌.బాబూరావు, కోశాధికారిగా సతీష్‌, ప్రదీప్‌ పోటీలో ఉన్నారు. నాలుగు ఉపాధ్యక్ష, సంయుక్త కార్యదర్శులు, 15 మంది ఈసీ సభ్యుల పదవులకు ఒక్కొక్క నామినేషనే రావడంతో వీరి ఎన్నిక లాంఛనం అయింది. ఎన్నికల నోటిఫికేషన్‌పై తెలంగాణ బాక్సింగ్‌ సంఘం హైదరాబాద్‌ సిటీ సివిల్‌ కోర్టును ఆశ్రయించడంతో పోలింగ్‌ పూర్తయ్యాక ఫలితాలు ప్రకటించకుండా న్యాయస్థానం మధ్యంతర స్టే ఉత్తర్వులు ఇచ్చింది.
