అక్షరటుడే, వెబ్‌డెస్క్‌ : హైదరాబాద్ లోని ఎల్బీస్టేడియంలో గురువారం జరిగిన తెలంగాణ ఒలపింక్‌ అసోసియేషన్‌ ఎన్నికలు ముగిశాయి. అధ్యక్ష పదవి కోసం రాష్ట్ర ప్రభుత్వ క్రీడా సలహాదారు ఏపీ జితేందర్‌ రెడ్డి, రాష్ట్ర బ్యాడ్మింటన్‌ అసోసియేషన్‌ ఉపాధ్యక్షుడు చాముండేశ్వర్‌నాధ్‌ పోటీపడ్డారు. ప్రధాన కార్యదర్శి, కోశాధికారి పదవుల కోసం ఎన్నిక జరగతుండగా మిగతా స్థానాలకు ఎన్నిక లాంఛనం కానుంది. ప్రధాన కార్యదర్శి పదవి కోసం బాబురావు, మల్లారెడ్డి మధ్య, కోశాధికారి పదవి కోసం సతీశ్‌ గౌడ్‌, ప్రదీప్‌ కుమార్‌ మధ్య పోటీ నెలకొంది. ఈఎన్నికల్లో 68 మంది సభ్యులు ఉండగా.. 59 ఓట్లు పోలయ్యాయి. హైకోర్టు తీర్పుకారణంగా ఎన్నికల ఫలితాలను తర్వాత ప్రకటించనున్నారు.
