అక్షరటుడే, వెబ్‌డెస్క్‌ : కెనడాలో భారీగా డ్రగ్స్‌ రాకెట్‌ గుట్టురట్టయింది. వాంకోవర్‌ సిటీ పరిధిలో జరిపిన సోదాల్లో అక్రమంగా నడుపుతోన్న ల్యాబ్‌ను పోలీసులు గుర్తించారు. మాదక ద్రవ్యాలతో పాటు, పలు రకాల రసాయనాలు, ఆయుధాలను, రూ.5 లక్షల డాలర్ల నగదును అధికారులు స్వాధీనం చేసుకున్నారు. భారత సంతతికి చెందిన గగన్‌ప్రీత్‌ సింగ్‌ రంధవాను అరెస్టు చేశారు. డ్రగ్స్‌కు సంబంధించి రంధవా పలు ఆరోపణలు ఎదుర్కొంటున్నాడని, ఈకేసులో మరికొంత మందిని అరెస్టు చేయనున్నట్లు పోలీసులు తెలిపారు.
