నర్సాపూర్ హైవేపై ఘోర రోడ్డు ప్రమాదం.. ముగ్గురు దుర్మరణం

అక్షరటుడే, వెబ్ డెస్క్: హైదరాబాద్ లోని దుండిగల్ మీదుగా వెళ్లే నర్సాపూర్ రహదారిలో జరిగిన ఘోర రోడ్డు ప్రమాదంలో ముగ్గురు దుర్మరణం చెందారు. నర్సాపూర్ అటవీ ప్రాంత శివారు మేడాలమ్మ ఆలయం సమీపంలో హైదరాబాద్ వైపు వెళ్తున్న కారు అదుపుతప్పి రెండు ఆటోలను ఢీ కొట్టింది. ఈ ఘటనలో మేడ్చల్ జిల్లా కుత్బుల్లాపూర్ కి చెందిన మనీషా, మెదక్ జిల్లా రుస్తుంపేటకు చెందిన ఐశ్వర్య, మరో వ్యక్తి(సూరారం) మృతి చెందగా.. ఆరుగురికి తీవ్ర గాయాలయ్యాయి. వీరిని 108 వాహనంలో నర్సాపూర్ ఏరియా ఆసుపత్రికి తరలించి చికిత్స అందిస్తున్నారు.