అక్షరటుడే, వెబ్ డెస్క్: తిరుమల శ్రీవారి ఆర్జిత సేవా టికెట్లు నేడు విడుదలయ్యాయి. డిసెంబర్‌ నెలకు సంబంధించిన ఆర్జిత దర్శనాల ఆన్‌లైన్‌ కోటాను విడుదల చేశారు.ఈనెల 20న ఉదయం 10 గంటల వరకు నమోదుకు అవకాశం కల్పించారు. 21న ఉదయం 10గంటలకు కల్యాణోత్సవం, ఆర్జిత బ్రహ్మోత్సవం, ఊంజల్‌ సేవ, సహాస్రదీపాలంకరణ సేవ టికెట్లను ఆన్‌లైన్‌లో విడుదల చేస్తారు. వర్చువల్‌ సేవా టికెట్లను అదేరోజు మధ్యాహ్నం విడుదల చేస్తారు. 23న ఉదయం 10 గంటలకు అంగప్రదక్షిణ టోకెన్లు, 11గంటలకు శ్రీవాణి ట్రస్టు బ్రేక్‌ దర్శనం కోటా విడుదల చేయనున్నారు. మధ్యాహ్నం 3 గంటలకు వృద్ధులు, దీర్ఘకాలిక వ్యాధిగ్రస్తులు, దివ్యాంగులకు ఉచిత ప్రత్యేక ప్రవేశ దర్శన టోకెన్ల కోటా విడుదల చేస్తారు. 24న ఉదయం 10 గంటలకు డిసెంబర్‌ నెల ప్రత్యేక ప్రవేశ దర్శనం రూ.300 టికెట్లు, మధ్యాహ్నం 3 గంటలకు తిరుమల తిరుపతిలో అద్దె గదుల బుకింగ్‌ కోటా విడుదల కానుంది. 27న ఉదయం 11గంటలకు డిసెంబర్‌ నెలకు సంబంధించి తిరుమల, తిరుపతికి చెందిన శ్రీవారి సేవా కోటాను, మధ్యాహ్నం 12 గంటలకు నవనీత సేవ, ఒంటి గంటకు పరాకామణి సేవ టికెట్లను విడుదల చేయనున్నట్లు టిటీడీ తెలిపింది.
