అక్షరటుడే, వెబ్‌డెస్క్‌: తిరుపతి లడ్డూ.. మరోసారి వివాదాస్పదమైంది. ఈఘటన ఖమ్మం జిల్లాలో జరిగింది. జిల్లాలోని రూరల్‌ మండలం గొల్లగూడెం పంచాయతీ పరిధిలోని నివాసం ఉండే దొంతు పద్మావతి ఈనెల 19న తిరుమల శ్రీవారి దర్శనానికి వెళ్లింది. తిరిగి వచ్చేటప్పుడు ఇరుగు పొరుగువారికి పంచేందుకు లడ్డూ ప్రసాదాన్ని తీసుకొచ్చింది. ఆదివారం లడ్డూను పంచేందుకు చూడగా అందులో అంబర్‌ ప్యాకెట్‌ ప్రత్యక్షమైంది. దీంతో ఆమె షాక్ నుంచి తేరుకోలేకపోయింది. కాగా..ఈ ఘటనపై భక్తులు మండిపడుతున్నారు. బాధ్యులపై చర్యలు తీసుకోవాలని కోరుతున్నారు.
