అక్షరటుడే ఇందూరు : సీఎం కప్‌కు సంబంధించిన క్రీడాజ్యోతి ర్యాలీని టీపీసీసీ అధ్యక్షుడు మహేష్‌ కుమార్‌ గౌడ్‌ నగరంలోని పూలాంగ్‌ చౌరస్తాలో ప్రారంభించారు. రాష్ట్ర పర్యటనలో భాగంగా ర్యాలీ శనివారం జిల్లా కేంద్రానికి చేరుకుంది. ఇక్కడి నుంచి నిర్మల్‌ జిల్లాకు వెళ్లనుంది. ఇప్పటికే రంగారెడ్డి, వికారాబాద్‌, మెదక్‌, కామారెడ్డి జిల్లాలను దాటి నిజామాబద్‌కు ర్యాలీ చేరుకుంది. హైదరాబాద్‌లో త్వరలో పోటీలు నిర్వహించనున్నారు. కార్యక్రమంలో అర్జున అవార్డు గ్రహీత, భారత బాక్సర్‌ హుస్సాముద్దీన్‌, తెలంగాణ కోఆపరేటివ్‌ యూనియన్‌ లిమిటెడ్‌ ఛైర్మన్‌ మానాల మోహన్‌ రెడ్డి, జిల్లా క్రీడా యువజన శాఖ అధికారి ముత్తెన్న, క్రీడాకారులు, కాంగ్రెస్‌ నాయకులు, ట్రెయినీ పోలీసులు పాల్గొన్నారు.
