అక్షరటుడే, నిజామాబాద్ సిటీ : మిలాద్-ఉన్-నబీ సందర్భంగా ఈ నెల 16న నగరంలో ట్రాఫిక్ ఆంక్షలు విధించినట్లు ట్రాఫిక్ ఏసీపీ నారాయణ తెలిపారు. పలుమార్గాల్లో వాహనాలను దారి మళ్లించనున్నట్లు ఆయన పేర్కొన్నారు. ఉదయం 7 గంటల నుంచి మధ్యాహ్నం 1 గంటల వరకు దారి మళ్లింపు ఉంటుందని.. వాహనదారులు గమనించాలని కోరారు.
- బోధన్ వైపు నుంచి వచ్చే వాహనాలు అర్సపల్లి చౌరస్తా, అర్సపల్లి రైల్వే గేట్, న్యూ కలెక్టరేట్, కాలూర్ చౌరస్తా, ఖాజా హోటల్, బైపాస్, NTR చౌరస్తా మీదుగా బస్టాండ్ చేరుకోవాలి.
- బోధన్ వైపు వెళ్లే వాహనాలు బస్టాండ్, రైల్వే ఫ్లై ఓవర్, శివాజీ చౌక్, నిజాం కాలనీ, అర్సపల్లి రైల్వే గేట్ మీదుగా వెళ్లాలి.
