అక్షరటుడే, నిజామాబాద్ రూరల్ : టీవీఎస్ ఎక్సెల్ రచ్చబండను ఢీకొని ఒకరు మృతి చెందిన ఘటన ఇందల్వాయి మండలం ఎల్లారెడ్డిపల్లిలో చోటుచేసుకుంది. గ్రామానికి చెందిన కండల సాయిలు(39) సోమవారం సాయంత్రం ఎక్సెల్ పై వెళ్తూ ప్రమాదవశాత్తు రచ్చబండను ఢీకొన్నాడు. తీవ్రంగా గాయపడ్డ సాయిలును స్థానికులు నిజామాబాద్ ప్రభుత్వ ఆస్పత్రికి తరలించారు. అక్కడ చికిత్స పొందుతూ మంగళవారం ఆయన మరణించినట్లు ఎస్సై మనోజ్ కుమార్ తెలిపారు. మృతుడి బంధువుల ఫిర్యాదు మేరకు కేసు నమోదు చేశామన్నారు.
