అక్షరటుడే, వెబ్ డెస్క్: ఈ చిత్రంలో కనిపిస్తున్న బండిని చూశారా..! కాలం చెల్లిన బైకును ఇష్టారాజ్యంగా మార్పు చేసి రోడ్డుపై రయ్‌రయ్‌మంటూ రోడ్డెక్కిస్తున్నాడు నిజామాబాద్‌ జిల్లా కేంద్రానికి చెందిన ఓ యువకుడు. ఆర్టీఏ నిబంధనలను ఉల్లంగిస్తూ.. బైకుకు పెద్దపెద్ద సైలెన్సర్లు ఏర్పాటు చేసి, బేస్‌బాల్‌ బ్యాట్‌ లాంటి కర్రను అమర్చాడు. హెడ్‌లైట్‌ను ఇష్టం వచ్చినట్లు మార్పు చేయించాడు. కనీసం బండికి నంబర్‌ ప్లేట్‌ కూడా లేకపోవడం గమనార్హం. ఒకవైపు పోలీసులు తనిఖీలు చేస్తూ.. సైలెన్సర్లు మార్చిన, నంబర్లు ప్లేట్లు బైకులను సీజ్‌ చేస్తున్నా.. ఏమాత్రం భయం లేకుండా బండిని మార్చి రోడ్డుపై తిప్పుతున్నాడు. ఈ బైకును చూసి.. ఇదేం బండి నాయనా అంటూ నగరవాసులు ముక్కున వేలేసుకుంటున్నారు. ఇప్పటికైనా నగర పోలీసులు ఇలాంటి బైకులను సీజ్‌ చేసి, నడిపే వారిపై చర్యలు తీసుకోవాల్సిన అవసరం ఉంది.
