అక్షరటుడే, ఎల్లారెడ్డి : లింగంపేట మండలం శెట్టిపల్లి సంగారెడ్డి గ్రామ సమీపంలో శనివారం రాత్రి జరిగిన రోడ్డు ప్రమాదంలో ముగ్గురికి గాయాలైనట్లు గ్రామస్తులు తెలిపారు. గ్రామానికి చెందిన మామిడి సాయిలు, మామిడి చెన్నవ్వ, మామిడి బాలవ్వ ద్విచక్ర వాహనంపై ధాన్యం ఆరబెట్టెందుకు వెళ్తుండగా కారు ఢీకొంది. సాయిలుకు కాలు విరగ్గా, చెన్నవ్వ పరిస్థితి విషమంగా ఉందని గ్రామస్తులు పేర్కొన్నారు.
