అక్షరటుడే, వెబ్‌డెస్క్‌: టీటీడీ లడ్డూలో నాణ్యత లేని నెయ్యి వివాదం కొలిక్కి రాకముందే శనివారం మరో సంఘటన చోటు చేసుకుంది. తిరుపతిలోని మాధవ నిలయం అన్నదాన కేంద్రంలో పెరుగన్నంలో జెర్రి వచ్చింది. దీంతో భక్తులు తీవ్ర ఆగ్రహాన్ని వ్యక్తంచేశారు. అన్నదాన నిర్వహణ కేంద్రంలో సిబ్బందిని ప్రశ్నిస్తే దురుసుగా సమాధానం చెప్పి బయటకు పంపించేశారని భక్తులు ఆవేదన వ్యక్తం చేశారు. అన్నదానంపై టీటీడీ అధికారులను సీఎం చంద్రబాబు హెచ్చరించిన కొన్ని గంటల్లోనే అన్నంలో జెర్రి రావడం సర్వత్రా చర్చనీయాంశమైంది.
