అక్షరటుడే, బోధన్‌: ‘దొంగకు చెప్పే లాభం’ అనే నానుడి ఊరికే రాలేదు.. చోరీ కోసం వచ్చిన ఓ దొంగకు ఏమి దొరక్క పోవడంతో చివరకు కల్లు సీసాలు ఎత్తుకెళ్లిన ఘటన ఎడపల్లి మండలంలో చోటు చేసుకుంది. బాపూనగర్‌ సాయిబాబా ఆలయంతో పాటు ఏఆర్‌పీ క్యాంప్‌ గ్రామంలోని శ్రీరామమందిరంలో మంగళవారం అర్థరాత్రి దొంగలు చోరీకి యత్నించారు. ఆలయంలో హుండీ పగులగొట్టారు. కానీ ఏమీ లభించలేదు. దీంతో ఏఆర్‌పీ క్యాంప్‌లోని కల్లు దుకాణంలో చోరీ చేసేందుకు వెళ్లారు. అక్కడ కూడా ఏమీ దొరక్కపోవడంతో చివరికి కల్లు సీసాలు ఎత్తుకెళ్లారు.
