ఎల్లారెడ్డి ఎమ్మెల్యేను కలిసిన మున్సిపల్ ఛైర్మన్

అక్షరటుడే, ఎల్లారెడ్డి: విదేశీ పర్యటన ముగించుకొని హైదరాబాద్​కు చేరుకున్న ఎమ్మెల్యే మదన్మోహన్ రావును ఎల్లారెడ్డి మున్సిపల్ ఛైర్మన్ పద్మ శ్రీకాంత్, నాయకులు శుక్రవారం మర్యాదపూర్వకంగా కలిశారు. మున్సిపాలిటీ పరిధిలో అసంపూర్తిగా ఉన్న డబుల్ బెడ్​రూం ఇళ్లను పూర్తి చేసి లబ్ధిదారులకు అందించేలా చర్యలు తీసుకోవాలని కోరారు. ఎమ్మెల్యే స్పందిస్తూ జనవరి 26న డబుల్ బెడ్ రూం ఇళ్లను అందజేస్తామని తెలిపారు. మున్సిపల్ పరిధిలో అభివృద్ధి పనులకు సైతం నిధులు కేటాయించి ప్రారంభించేలా చర్యలు తీసుకోవాలని మున్సిపల్​ పాలకవర్గ సభ్యులు ఎమ్మెల్యేను కోరారు. కార్యక్రమంలో శ్రీనివాస్, విద్యాసాగర్, నీలకంఠం తదితరులున్నారు.