అక్షరటుడే, వెబ్ డెస్క్: నగర శివారులో నాగారం ప్రాంతానికి చెందిన షేక్ అక్బర్(26) ప్రమాదవశాత్తు నీటమునిగి మృతి చెందాడు. ఆదివారం ఉదయం మిత్రులతో కలిసి స్థానిక చెరువులో చేపలు పట్టేందుకు వెళ్లాడు. ఈత రాకపోగా నీట మునిగి గల్లంతయ్యాడు. అనంతరం ఐదో టౌన్ పోలీసులు సంఘటన స్థలానికి చేరుకొని అగ్నిమాపక సిబ్బంది సాయంతో మృతదేహాన్ని బయటకు వెలికితీశారు. మృతదేహాన్ని మార్చురీకి తరలించి కేసు నమోదు చేశారు.
