అక్షరటుడే, నిజామాబాద్ రూరల్: మీ ఫోన్ పైన ఆఫర్ వచ్చిందని నమ్మించి ఓ మహిళ ఒంటిపై ఉన్న బంగారు నగలు దోచుకెళ్లిన ఘటన సోమవారం డిచ్పల్లి మండలం ఘన్పూర్ లో సోమవారం చోటు చేసుకుంది. బాధితురాలు చైతన్య కథనం ప్రకారం.. ద్విచక్ర వాహనంపై వచ్చిన దుండగుడు ఫోన్ పైన ఆఫర్ ఉందని నమ్మించి ఓటీపీ చెప్పాలని అడిగాడు. అనంతరం బాధితురాలిని నమ్మించి ఒంటిపై ఉన్న కమ్మలు, ఉంగరాన్ని ఎత్తుకెళ్లాడు. కాసేపటికి తాను మోసపోయానని గుర్తించిన బాధితురాలు గ్రామస్థుల సాయంతో పోలీసులకు ఫిర్యాదు చేసింది. డిచ్పల్లి పోలీసులు విచారణ జరుపుతున్నారు. తులంన్నర బంగారు నగలు దోచుకెళ్లినట్లు సమాచారం.
