అక్షరటుడే, వెబ్‌డెస్క్‌: ఢిల్లీ లిక్కర్‌స్కాంలో అరెస్టయిన ఎమ్మెల్సీ కవిత బంధువుల ఇళ్లలో ఈడీ అధికారులు సోదాలు చేపట్టారు. కవిత భర్త అనిల్‌ బంధువుల ఇళ్లలో తనిఖీలు ప్రారంభించారు. శనివారం ఉదయం నుంచి మాదాపూర్‌లోని అనిల్‌ సోదరి ఇంట్లో సోదాలు నిర్వహిస్తున్నారు. కవిత కాల్‌ డేటా ఆధారంగా సోదాలు చేస్తున్నట్లు తెలిసింది. మరోవైపు కవిత ఈడీ కస్టడీ నేడు ముగియనుంది. దీంతో ఆమెను మధ్యాహ్నం రౌస్‌ అవెన్యూ కోర్టులో హాజరుపర్చనున్నారు. కవితను మరికొన్ని రోజుల పాటు కస్టడీకి ఇవ్వాలని ఈడీ అధికారులు కోరనున్నట్లు సమాచారం.
