అక్షరటుడే, బాన్సువాడ: మండలంలోని తడ్కోల్ వద్ద జరిగిన రోడ్డు ప్రమాదంలో ఓ మహిళ మృతి చెందింది. స్థానికులు తెలిపిన వివరాల ప్రకారం.. పిట్లం మండలం కుర్తి గ్రామానికి చెందిన గంగవ్వ(55) శుక్రవారం ఉదయం ఆర్టీసీ బస్సులో తడ్కోల్ గ్రామానికి వెళ్లింది. బస్సు దిగి నడుచుకుంటూ వెళ్తున్న సమయంలో అతివేగంగా వచ్చిన ఓ వాహనం ఢీకొనడంతో అక్కడికక్కడే మృతి చెందింది. పోలీసులు ఘటన స్థలానికి చేరుకొని వివరాలు సేకరిస్తున్నారు.
