అక్షరటుడే, వెబ్డెస్క్: పసిడి ధరలు మళ్లీ పెరిగాయి. కొద్దిరోజులుగా బంగారం ధరలు పరుగులు పెడుతుండడంతో ప్రజలు ఆందోళన చెందుతున్నారు. మాఘ మాసంలో వివాహాలు ఉండడంతో పుత్తడి కొనుగోలు చేయాలనుకుంటున్న వారిని పెరుగుతున్న రేట్లు కలవరపెడుతున్నాయి. శుక్రవారం హైదరాబాద్ మార్కెట్లో 10 గ్రాముల 24 క్యారెట్ల బంగారం ధర రూ.330 పెరిగి రూ.82,420కి చేరింది. 22 క్యారెట్ల ధర రూ.300 పెరిగి రూ.75,550 పలుకుతోంది. వెండి కేజీ రూ.వెయ్యి పెరిగి రూ.1,05,000గా ఉంది.
