అక్షరటుడే, ఇందూరు: ఇంటర్మీడియట్ అనంతరం ఎన్నో ఉత్తమమైన విద్యావకాశాలు ఉన్నాయని ఎస్ఆర్ విద్యాసంస్థల ఛైర్మన్ వరదా రెడ్డి తెలిపారు. నగరంలోని రాజీవ్ గాంధీ ఆడిటోరియంలో ఆదివారం ఓపెన్ హౌస్ కార్యక్రమాలు నిర్వహించారు. ఈ సందర్భంగా ఆయన మాట్లాడుతూ.. జాతీయస్థాయిలో ఎన్ఐఆర్ఎఫ్ గుర్తింపు కలిగిన ఏకైక యూనివర్సిటీ ఎస్ఆర్ అన్నారు. బీటెక్ కోర్సులతో పాటు అగ్రికల్చర్, బిజినెస్ స్కూల్, మేజర్ డిగ్రీ, మైనర్ డిగ్రీలు ఒకేసారి పొందే అవకాశం ఉందన్నారు. ఇంటర్నేషనల్ ఇంజినీరింగ్ ప్రోగ్రాంలో భాగంగా మూడు సంవత్సరాలు భారత్లో, రెండేళ్లు అమెరికాలో కోర్సు పూర్తిచేసే అవకాశం ఉందన్నారు. కార్యక్రమంలో డైరెక్టర్ అనిత, అడ్మిషన్ డైరెక్టర్ శేషగిరిరావు, సీనియర్ డైరెక్టర్ రామ్ దేశ్ముఖ్, నిజామాబాద్ డీజిఎం గోవర్ధన్ రెడ్డి, జోనల్ ఇన్ఛార్జి శ్రీకాంత్ తదితరులు పాల్గొన్నారు.
