అక్షరటుడే, ఇందూరు: రాష్ట్రంలో నెలకొన్న సమస్యల పరిష్కారానికి తనవంతు కృషి చేస్తానని పట్టభద్రుల ఎమ్మెల్సీ బీజేపీ అభ్యర్థి అంజిరెడ్డి అన్నారు. గురువారం జిల్లా కేంద్రంలోని నిఖిల్ సాయి హోటల్లో సమావేశం నిర్వహించారు. ఈ సందర్భంగా ఆయన మాట్లాడుతూ.. కాంగ్రెస్ ప్రభుత్వం ప్రతి మండలానికి అంతర్జాతీయ పాఠశాల నెలకొల్పుతానని చెప్పి విస్మరించిందన్నారు. అలాగే ప్రభుత్వ పాఠశాలల సంఖ్య తగ్గుతున్నా.. పట్టించుకోవడం లేదన్నారు. అన్ని సమస్యలను మండలిలో ప్రశ్నించే గొంతుకనవుతానన్నారు. అనంతరం ఎమ్మెల్యేలు పాయల్ శంకర్, ధన్పాల్ సూర్యనారాయణ గుప్తా, వెంకటరమణారెడ్డి మాట్లాడారు. కార్యక్రమంలో మాజీ ఎంఎల్సీ రామచంద్ర రావు, జిల్లా అధ్యక్షుడు దినేష్ కులాచారి తదితరులు పాల్గొన్నారు.
