అక్షరటుడే, ఇందూరు: ఎమ్మెల్సీ ఎన్నికల ప్రచారంలో భాగంగా సీఎం రేవంత్రెడ్డి సోమవారం జిల్లాకు రానున్నారు. ముఖ్యమంత్రి ఉదయం హైదరాబాద్ నుంచి హెలీకాప్టర్లో బయలుదేరి జిల్లాకు 11.50కి చేరుకుంటారు. అనంతరం నగరంలో పట్టభద్రులతో ఆత్మీయ సమ్మేళనంలో పాల్గొంటారు. తిరిగి 1.35కి నిజామాబాద్ నుంచి బయలుదేరి మంచిర్యాలకు వెళ్లనున్నారు. కాగా.. సీఎం పర్యటన నేపథ్యంలో నగరంలోని భూమారెడ్డి ఫంక్షన్ హాల్లో ఏర్పాట్లు చేస్తున్నారు. అధికారిక కార్యక్రమం కాకపోయినప్పటికీ సీఎం ప్రొటోకాల్ ప్రకారం పోలీసులు భారీ బందోబస్తు ఏర్పాట్లు చేస్తున్నారు.
