అక్షరటుడే, బోధన్: నిజాంసాగర్ కాలువలో పడి ఒకరు మృతి చెందిన ఘటన ఎడపల్లి మండలం ఏఆర్పీ క్యాంపులో ఆదివారం చోటు చేసుకుంది. నాందేడ్కు చెందిన సోన్ కాంబ్లే వినోద్ ఇటుక బట్టీలో పని చేయడానికి మూడు రోజుల క్రితం ఏఆర్పీ క్యాంపు గ్రామానికి వచ్చాడు. ఆదివారం ఉదయం కాలకృత్యాలు తీర్చుకోవడానికి వెళ్లి నిజాంసాగర్ డీ 46 కాలువలో పడి మృతి చెందాడు. మృతుడి భార్య మనీషా ఫిర్యాదు మేరకు కేసు నమోదు చేసినట్లు ఎస్సై వంశీకృష్ణ తెలిపారు.
