అక్షరటుడే, ఇందల్వాయి: బావిలో పడి బాలుడు మృతి చెందిన ఘటన ఇందల్వాయి పోలీస్ స్టేషన్ పరిధిలోని డొంకల్ తండాలో మంగళవారం సాయంత్రం చోటుచేసుకుంది. తండాకు చెందిన లక్ష్మణ్(13) మేకలను మేపడానికి మరో ఇద్దరితో కలిసి వెళ్లాడు. లక్ష్మణ్ బావిలో పడిపోయినట్లు వెంట వెళ్లిన పిల్లలు చెప్పడంతో తండావాసులు వెళ్లి బయటకు తీశారు. అప్పటికే బాలుడు మృతి చెందాడు. ఈ ఘటనతో తండాలో విషాదం చోటు చేసుకుంది.
