అక్షరటుడే, ఆర్మూర్: జాతీయ రహదారిపై రోడ్డు ప్రమాదం చోటుచేసుకుంది. కుంభమేళాకు వెళ్లి వస్తున్న వాహనం డివైడర్ను ఢీకొట్టి బోల్తా పడింది. వివరాల్లోకి వెళ్తే.. నాగ్పూర్ వైపు నుంచి హైదరాబాద్ వైపు వెళ్తున్న తుపాన్ వాహనం శనివారం తెల్లవారు జామున మెండోరా మండలం బుస్సాపూర్ వద్ద డివైడర్ను ఢీకొట్టింది. దీంతో వాహనం కొద్దిదూరం దూసుకెళ్లి రోడ్డుపక్కన బోల్తా పడింది. ఈ ఘటనలో 13 మందికి గాయాలయ్యాయి. దీంతో జిల్లా కేంద్రంలోని ప్రభుత్వ జనరల్ ఆస్పత్రికి తరలించారు. వీరిలో ఇద్దరి పరిస్థితి విషమంగా ఉన్నట్లు తెలిసింది. కాగా.. వాహనం ముందు భాగం నుజ్జునుజ్జయ్యింది. ప్రయాణికులంతా భువనగిరికి చెందిన వారిగా సమాచారం.
