అక్షరటుడే, వెబ్డెస్క్: భర్త కిడ్నీ అమ్మి ఆ డబ్బులు తీసుకొని ప్రియుడితో పారిపోయింది ఓ మహిళ. ఈ ఘటన వెస్ట్ బెంగాల్లోని హౌరా జిల్లాలో చోటు చేసుకుంది. తమ పదేళ్ల కూతురు భవిష్యత్ కు డబ్బు కావాలని సదరు మహిళ భర్తకు చెప్పింది. ఒక కిడ్నీ అమ్మినా ఇంకో దానితో బతకొచ్చని మభ్యపెట్టింది. దీంతో ఆయన తన కిడ్నీని రూ.పది లక్షలకు అమ్మి ఆ డబ్బును భార్య చేతిలో పెట్టాడు. సోషల్ మీడియాలో పరిచయమైన ఓ వ్యక్తితో ప్రేమలో పడ్డ ఆమె ఆ డబ్బు తీసుకొని అతనితో పారిపోయింది. విషయం తెలిసిన భర్త పోలీసులను ఆశ్రయించాడు.
