అక్షరటుడే, నిజాంసాగర్: రైతులు డ్రోన్ను ఉపయోగించుకుని వ్యవసాయం చేస్తే ఖర్చులు, సమయం ఆదా అవుతుందని వ్యవసాయ శాఖ అధికారి అమర్ ప్రసాద్ పేర్కొన్నారు. మంగళవారం నిజాంసాగర్ మండలంలోని గోర్గల్ గ్రామంలో వరిపంటను సందర్శించారు. అనంతరం ఆయన మాట్లాడుతూ వరిలో మొగి పురుగు ఉధృతి, జింక్ పోషక లోపం అధికంగా ఉందన్నారు. జింక్ పోషక లోపం నివారణకు జింక్ సల్ఫేట్ మందు ఎకరానికి 400 గ్రాములు పిచికారీ చేయాలని రైతులకు సూచించారు. మొగి పురుగు నివారణకు వరి నాటిన 30 రోజుల వరకు కార్టాప్ హైడ్రోక్లోరైడ్ 4జి గుళికలు ఎకరానికి 8 కిలోలు లేదా క్లొరాంట్రానిలిప్రోల్ 0.4జి గుళికలు ఎకరానికి 4 కిలోలు చల్లుకోవాలని సూచించారు. ఈ సందర్శనలో మండల వ్యవసాయాధికారి, నాయకులు దుర్గారెడ్డి, రైతులు కాశా గౌడ్, వినోద్ తదితరులు పాల్గొన్నారు.
