అక్షరటుడే, నిజామాబాద్‌రూరల్‌ : నర్సింగ్‌పల్లిలోని ఇందూరు తిరుమల ఆలయ వార్షిక బ్రహ్మోత్సవాలను మార్చి 30వ తేదీ నుంచి నిర్వహించనున్నారు. దేవనాథ రామానుజ జీయర్‌ స్వామి, అహోబిలం రామానుజ జీయర్‌ స్వామి పర్యవేక్షణలో వారం రోజులపాటు ఉత్సవాలను నిర్వహించడానికి ఏర్పాట్లు చేస్తున్నారు. ఈనెల 30న సాయంత్రం ఉత్సవాల అంకురార్పణ కార్యక్రమం నిర్వహించనున్నారు. ఆదివారం ధ్వజారోహణం, అగ్ని ప్రతిష్ట శేష వాహన సేవ, సోమవారం ఉత్సవమూర్తులకు సూర్యప్రభ చంద్రప్రభ, గజవాహన సేవలతో ఎదుర్కోలు కార్యక్రమం నిర్వహిస్తారు. మంగళవారం కల్యాణ మహోత్సవం నిర్వహించనున్నట్లు ఆలయ ధర్మకర్త నరసింహారెడ్డి తెలిపారు. ఉత్సవాల్లో భక్తులు పెద్ద ఎత్తున పాల్గొనాలని ఆయన కోరారు.
