అక్షరటుడే, ఇందూరు: రక్తదానం చేసి ఎంతోమందికి ప్రాణం పోయడం ఆదర్శనీయమని జేసీఐ ఇందూరు అధ్యక్షుడు మనోజ్‌ కుమార్‌ అన్నారు. 50 సార్లు రక్తదానం చేసిన నాగేందర్‌ను జేసీఐ ఆధ్వర్యంలో గురువారం బస్వాగార్డెన్‌లో సన్మానించారు. ఈ సందర్భంగా మనోజ్‌కుమార్‌ మాట్లాడుతూ .. నాగేందర్‌ను స్ఫూర్తిగా తీసుకొని రక్తదానం చేయడంలో యువత ముందుకు రావాలని పిలుపునిచ్చారు. అనంతరం ఇటీవల రక్తదానం చేసిన పలువురికి రెడ్‌క్రాస్‌ సంస్థ జారీచేసిన సర్టిఫికెట్లను అందజేశారు. కార్యక్రమంలో జేసీఐ ప్రధాన కార్యదర్శి వినోద్‌ నాయక్‌, సందీప్‌, జైపాల్‌, డాక్టర్‌ అమర్నాథ్‌ తదితరులు పాల్గొన్నారు.
