అక్షరటుడే, ఎల్లారెడ్డి: లింగంపేట మండలం లింగంపల్లి కుర్దు గ్రామ సమీపంలో గురువారం పెళ్లి వాహనం బోల్తాపడి 12 మందికి గాయాలయ్యాయి. స్థానికులు తెలిపిన వివరాల ప్రకారం.. లింగంపల్లికి చెందిన కొత్త కిషన్‌ కుమారుడి వివాహం గ్రామ సమీపంలోని జీఎన్‌ఆర్‌ గార్డెన్‌లో నిర్వహిస్తున్నారు. వివాహ వేడుకకు గ్రామం నుంచి బంధువులను టాటాఎస్‌ వాహనంలో తరలిస్తుండగా ప్రమాదవశాత్తు ఫంక్షన్‌ హాల్‌ సమీపంలో బోల్తా పడింది. ప్రమాదంలో 12 మందికి గాయాలయ్యాయి. క్షతగాత్రులను 108 వాహనంలో కామారెడ్డి ఏరియా ఆస్పత్రికి తరలించారు. ఘటనా స్థలానికి ఎస్సై చైతన్య కుమార్‌రెడ్డి చేరుకొని ట్రాఫిక్‌కు అంతరాయం కాకుండా చర్యలు చేపట్టారు.
