అక్షరటుడే, కామారెడ్డి : బైక్ను ట్రక్ ఢీకొని ఒకరు మృతి చెందిన ఘటన సదాశివనగర్ మండల కేంద్రంలో శనివారం చోటు చేసుకుంది. వివరాల్లోకి వెళ్తే.. ఇందల్వాయి మండలం నల్లవెల్లి గ్రామానికి చెందిన లింగాపూర్ రవికి భార్య, ఇద్దరు పిల్లలు ఉన్నారు. నలుగురు బైక్పై బంధువుల ఇంటికి వెళ్లి శనివారం ఉదయం స్వగ్రామానికి బయలు దేరారు. సదాశివనగర్లోని అయ్యప్ప ఆలయం వద్దకు రాగానే వెనుక నుంచి వస్తున్న ఓ ట్రక్కు వీరి బైక్ను ఢీకొంది. ప్రమాదంలో రవి అక్కడికక్కడే మృతి చెందాడు. మృతుడి భార్య లావణ్య, కొడుకు హర్షత్కు తీవ్ర గాయాలు కాగా కూతురు అన్వికకు స్వల్ప గాయాలయ్యాయి. స్థానికులు క్షతగాత్రులను అంబులెన్సులో జిల్లా ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.
