అక్షరటుడే, ఇందల్వాయి: కంటైనర్ మీద నుంచి వెళ్లడంతో ఒకరు మృతి చెందిన ఘటన ఇందల్వాయి మండలం చంద్రాయన్పల్లి శివారులో ఆదివారం చోటు చేసుకుంది. మెదక్ జిల్లాకు చెందిన బత్తుల నాగరాజు (32) ఆదివారం ఉదయం తన బైక్పై కామారెడ్డి వైపు నుంచి నిజామాబాద్ వెళ్తున్నాడు. అయితే చంద్రాయన్పల్లి వద్ద సర్వీస్ రోడ్డు పనులు జరుగుతుండడంతో రోడ్డు పక్కన మట్టి బ్యాగులు అడ్డంగా పెట్టారు. వాటిని ఢీకొని నాగరాజు కింద పడగా ఆయనపై నుంచి కంటైనర్ వెళ్లింది. దీంతో అక్కడికక్కడే మృతి చెందాడు. ఎస్సై మనోజ్ కుమార్ ఘటన స్థలానికి చేరుకొని పరిశీలించారు.
