అక్షరటుడే, కామారెడ్డి: తనను గెలిపిస్తే ఉపాధ్యాయుల సమస్యల పరిష్కారం కోసం కృషి చేస్తానని బీజేపీ టీచర్స్ ఎమ్మెల్సీ అభ్యర్థి కొమురయ్య అన్నారు. కామారెడ్డిలో తపస్ ఆధ్వర్యంలో నిర్వహించిన కార్యక్రమంలో పట్టభద్రుల ఎమ్మెల్సీ అభ్యర్థి అంజిరెడ్డితో కలిసి ఆయన పాల్గొన్నారు. వారు మాట్లాడుతూ.. ప్రభుత్వాలు మారుతున్నా ఉపాధ్యాయుల సమస్యలకు పరిష్కారం లభించడం లేదన్నారు. బడ్జెట్లో విద్యావ్యవస్థ బలోపేతం కోసం కేంద్రం 17 శాతం నిధులు కేటాయిస్తే, రాష్ట్ర ప్రభుత్వం 8 శాతమే కేటాయించిందన్నారు. ఈ సమావేశంలో తపస్ రాష్ట్ర అధ్యక్షుడు హన్మంత్ రావు, జిల్లా అధ్యక్షుడు రాఘవరెడ్డి పాల్గొన్నారు.
