అక్షరటుడే, ఇందూరు: తనను గెలిపిస్తే ఉపాధ్యాయుల సమస్యలను పరిష్కరిస్తానని బీజేపీ ఉపాధ్యాయ ఎమ్మెల్సీ అభ్యర్థి మల్క కొమురయ్య తెలిపారు. బుధవారం నగరంలోని నిఖిల్సాయి హోటల్లో సమావేశం నిర్వహించారు. ఈ సందర్భంగా ఆయన మాట్లాడుతూ.. గత ప్రభుత్వాలు ఉపాధ్యాయులకు అన్యాయం చేశాయని.. సమయానికి వేతనం ఇవ్వకుండా ఇబ్బందులు పెట్టారన్నారు. విద్యాసంస్థల బకాయిల విడుదలకు పోరాటం చేస్తానన్నారు. అర్బన్ ఎమ్మెల్యే ధన్పాల్ సూర్యనారాయణ గుప్తా మాట్లాడుతూ.. ఎమ్మెల్సీ ఎన్నికలకు 20 రోజులు ఉందని, ప్రతి కార్యకర్త గెలుపు కోసం కష్టపడాలన్నారు. కార్యక్రమంలో జిల్లా అధ్యక్షుడు దినేష్ కులాచారి, రాష్ట్ర నాయకులు మల్లికార్జున్ రెడ్డి, మేడపాటి ప్రకాష్, టక్కర్ హనుమంత్ రెడ్డి లక్ష్మీనారాయణ, స్రవంతి రెడ్డి తదితరులు పాల్గొన్నారు.
