అక్షరటుడే, ఆర్మూర్: కాంగ్రెస్ ప్రభుత్వం ఏడాదిలో 55 వేల ఉద్యోగాలు భర్తీ చేసి యువతకు అండగా నిలిచిందని బోధన్ ఎమ్మెల్యే సుదర్శన్ రెడ్డి అన్నారు. ఆర్మూర్ పట్టణంలోని పీవీఆర్ హోటల్లో ఆదివారం పట్టభద్రుల ఎమ్మెల్సీ ఎన్నిక సన్నాహక సమావేశం నిర్వహించారు. ఈ సందర్భంగా ఆయన మాట్లాడుతూ.. బీఆర్ఎస్, బీజేపీ మాటలు నమ్మి పట్టభద్రులు మోసపోవద్దని సూచించారు. కాంగ్రెస్ అభ్యర్థి నరేందర్ రెడ్డికి మొదటి ప్రాధాన్యత ఓటు వేసి గెలిపించాలని కోరారు. కార్యక్రమంలో వర్ధన్నపేట ఎమ్మెల్యే నాగరాజ్, మహబూబాబాద్ ఎమ్మెల్యే భూక్య మురళి నాయక్, ఉర్దూ అకాడమీ ఛైర్మన్ తాహెర్ బిన్ హందాన్, మాజీ ఎమ్మెల్సీ నర్సారెడ్డి, డీసీసీబీ ఛైర్మన్ రమేష్ రెడ్డి, సీడ్స్ కార్పొరేషన్ ఛైర్మన్ అన్వేష్ రెడ్డి, టీఎస్ ఎంబీసీ ఛైర్మన్ అనిల్, జిల్లా గ్రంథాలయ సంస్థ ఛైర్మన్ రాజారెడ్డి, వినయ్ రెడ్డి, సునీల్ రెడ్డి పాల్గొన్నారు.
