అక్షరటుడే, వెబ్‌డెస్క్‌: తెలంగాణలో మొత్తంగా 3,34,26,323 మంది ఓటర్లు ఉన్నారని తెలంగాణ ప్రధాన ఎన్నికల అధికారి సుదర్శన్ రెడ్డి పేర్కొన్నారు. హైదరాబాద్ లో శనివారం వివరాలు వెల్లడించారు. జనవరి 6న ఓటర్ల తుది జాబితా ప్రకటిస్తామన్నారు. కొత్తగా 8 లక్షల కొత్త ఓటర్లు నమోదు చేసుకున్నారని పేర్కొన్నారు. నిబంధనలకు విరుద్ధంగా ఉన్న 4.14 లక్షల ఓటర్లను తొలగించామని తెలిపారు. కొత్తగా 4,73,838 మంది ఓటు హక్కు నమోదు చేసుకున్నారని పేర్కొన్నారు. తెలంగాణలో 551 పోలింగ్ కేంద్రాలు పెరిగాయన్నారు. ఓటర్ల జాబితాపై అభ్యంతరాలను ఈనెల 28వ తేదీ వరకు స్వీకరిస్తామని చెప్పారు.
