అక్షరటుడే, వెబ్డెస్క్: రాష్ట్రంలో కులగణన సర్వే పారదర్శకంగా నిర్వహించామని ముఖ్యమంత్రి రేవంత్రెడ్డి తెలిపారు. బీసీ సంఘాలు అడగక ముందే.. రాహుల్ గాంధీ ఇచ్చిన మాట ప్రకారం బీసీ గణన చేపట్టామన్నారు. బీసీ కుల గణనపై శనివారం ఆయన ప్రజాభవన్లో మాట్లాడారు. దేశంలో ఏ రాష్ట్రం కూడా ఈ కుల గణన చేపట్టడానికి సాహసం చేయలేదన్నారు. రూ.160 కోట్ల నిధులు కేటాయించి, 50 రోజుల పాటు రాష్ట్రంలో సర్వే చేపట్టామని వివరించారు. ఎన్యుమరేటర్లు సమగ్రంగా వివరాలు సేకరించి, దగ్గరుండి ఆన్లైన్లో డేటా ఎంట్రీ చేయించారన్నారు. ఎన్యుమరేటర్లు సేకరించిన వివరాలు జాగ్రత్తగా భద్రపరిచినట్లు వెల్లడించారు. గతంలో కేసీఆర్ సమగ్ర కుటుంబ సర్వే వివరాలు బయట పెట్టలేదని చెప్పారు. రాజకీయ ప్రయోజనాల కోసం ఆ వివరాలు వినియోగించుకున్నారని ఆరోపించారు. బీసీ కుల గణన చరిత్రలో నిలిచిపోతుందన్నారు. తనపై ఎంతో ఒత్తిడి ఉన్నా సర్వే నిర్వహించినట్లు తెలిపారు. రాజకీయ ప్రయోజనాల కోసం కొందరు సర్వేను తప్పు పడుతున్నారని ఆరోపించారు. కాంగ్రెస్ నాయకులు సర్వే గొప్పతనాన్ని ప్రజల్లోకి తీసుకెళ్లాలని సూచించారు. ప్రతిపక్షాల విమర్శలను తిప్పికొట్టాలన్నారు.
