అక్షరటుడే, వెబ్ డెస్క్: జిల్లా విద్యాశాఖలో పనిచేస్తున్న పలువురు పీజీ హెచ్‌ఎంలు, స్కూల్‌ అసిస్టెంట్లు, ఇతర ఉపాధ్యాయులకు షోకాజ్‌ నోటీసులు జారీ అయ్యారు. మొత్తం 84 మందికి నోటీసులు ఇస్తూ బుధవారం డీఈవో దుర్గాప్రసాద్‌ ఉత్తర్వులు జారీ చేశారు. ఈ నెల ఒకటో తేదీన జిల్లా వ్యాప్తంగా అన్ని నియోజకవర్గ కేంద్రాల్లో పార్లమెంట్‌ ఎన్నికల విధులపై ఉపాధ్యాయులకు శిక్షణ తరగతులు నిర్వహించారు. ఈ శిక్షణకు 84 మంది గైర్హాజరైనట్లు గుర్తించి వారిపై చర్యలకు ఉపక్రమించారు. గురువారంలోగా వివరణ ఇవ్వాలని ఉత్తర్వుల్లో పేర్కొన్నారు.
