అక్షరటుడే, బాన్సువాడ: జిల్లా స్థాయి సైన్స్, రాష్ట్రీయ బాల వైజ్ఞానిక ప్రదర్శన ఈ నెల 6, 7 తేదీల్లో నిర్వహించనున్నట్లు డీఈవో రాజు, జిల్లా సైన్స్ అధికారి సిద్ధిరాంరెడ్డి తెలిపారు. గురువారం పట్టణంలో ఏర్పాటు చేసిన విలేకరుల సమావేశంలో మాట్లాడారు. ఈ వైజ్ఞానిక ప్రదర్శన పట్టణంలోని ప్రభుత్వ జూనియర్ కళాశాలలో నిర్వహించనున్నట్లు పేర్కొన్నారు. 23 మండలాలకు చెందిన ప్రభుత్వ, ప్రైవేటు పాఠశాలల విద్యార్థులు సుమారు 400 ప్రదర్శనల వరకు ఇవ్వనున్నట్లు తెలిపారు. ప్రదర్శనకు సంబంధించి అన్ని ఏర్పాట్లు పూర్తయ్యాయని చెప్పారు. కార్యక్రమంలో బాన్సువాడ, బీర్కూర్, నస్రుల్లాబాద్ ఎంఈవోలు నాగేశ్వరరావు, చందర్, వెంకన్న, పీఆర్టీయూ జిల్లా అధ్యక్షుడు కుశాల్, తపస్ జిల్లా కార్యదర్శి సంతోష్ తదితరులు పాల్గొన్నారు.
