అక్షరటుడే, ఎల్లారెడ్డి: పదో తరగతి విద్యార్థులు భయపడకుండా పరీక్షలు రాయాలని జిల్లా పరీక్షల అసిస్టెంట్ కమిషనర్ సీహెచ్ఎం బలరాం అన్నారు. ఎల్లారెడ్డి జిల్లా పరిషత్ బాలికల ఉన్నత పాఠశాలలో పదోతరగతి విద్యార్థులకు అవగాహన కల్పించారు. పరీక్షలకు ఎలా సన్నద్ధమవ్వాలనే విషయమై విద్యార్థులకు 24 పేజీల బుక్లెట్ ఇచ్చామన్నారు. ఈసారి పదో తరగతి మెమోలలో పర్మినెంట్ ఎడ్యుకేషన్ నెంబర్ ముద్రిస్తారని తెలియజేశారు. కార్యక్రమంలో పాఠశాల ఉపాధ్యాయులు లింగమూర్తి, కృష్ణారెడ్డి, రామకృష్ణ, దేవదాస్, మాధవి, స్వాతి తదితరులు పాల్గొన్నారు.
