Kushi | విజయ్ దేవరకొండ (Vijay deverakonda) , సమంత (Samantha) హీరోహీరోయిన్లుగా నటిస్తున్న మూవీ ఖుషి (Kushi). సెప్టెంబర్ 1న పాన్ ఇండియా స్థాయిలో తెలుగు, తమిళం, హిందీ, కన్నడ, మలయాళ భాషల్లో విడుదల చేయనున్నారు. తాజాగా ఖుషికి సంబంధించిన అఫీషియల్ అప్‌డేట్‌ ఒకటి నెట్టింట హల్‌ చల్ చేస్తోంది.
Kushi | టాలీవుడ్‌తోపాటు పాన్ ఇండియా మూవీ లవర్స్ ఎదురుచూస్తున్న చిత్రాల్లో ఒకటి ఖుషి (Kushi). రొమాంటిక్‌ ఫ్యామిలీ ఎంటర్‌టైనర్‌గా వస్తోన్న ఈ చిత్రంలో విజయ్ దేవరకొండ (Vijay deverakonda) , సమంత (Samantha) హీరోహీరోయిన్లుగా నటిస్తున్నారు. సెప్టెంబర్ 1న పాన్ ఇండియా స్థాయిలో తెలుగు, తమిళం, హిందీ, కన్నడ, మలయాళ భాషల్లో విడుదల చేయనున్నారు. తాజాగా ఖుషికి సంబంధించిన అఫీషియల్ అప్‌డేట్‌ ఒకటి నెట్టింట హల్‌ చల్ చేస్తోంది.
ఖుషి సెన్సార్ కార్యక్రమాలు పూర్తి చేసుకుంది. సెన్సార్ బోర్డు ఈ చిత్రానికి క్లీన్‌ యూ/ఏ సర్టిఫికెట్‌ జారీ చేసింది. అంతేకాదు ఈ మూవీకి లెంగ్తీ రన్ టైంకు ఓకే చేయడం విశేషం. తాజా సెన్సార్ అప్‌డేట్‌ ప్రకారం ఖుషి రన్‌టైం 165 నిమిషాలు.. అంటే 2 గంటల 45 నిమిషాలు. సాధారణంగా ప్రేక్షకులు లెంగ్తీ రన్ టైంను ఎంజాయ్ చేసే సందర్భాలు తక్కువే ఉంటాయి. మరి శివ నిర్వాణ ప్రేక్షకులను ఇంతసేపు కదలకుండా కుర్చీల్లో కూర్చొబెట్టాలని గట్టిగానే ఫిక్సయినట్టు అర్థమవుతోంది. 3 గంటల రన్‌టైం ఉన్న అర్జున్ రెడ్డి బ్లాక్ బస్టర్‌ హిట్‌గా నిలిచిందని తెలిసిందే. మరి ఖుషి కూడా ఇదే ఫార్మాట్‌లో సక్సెస్ అందుకుంటుందా..? అనేది చూడాలి. లెంగ్తీ రన్ టైం ఖుషి సినిమాకు ఏ రేంజ్‌లో కలిసొస్తుందో చూడాలంటున్నారు సినీ జనాలు.
విడుదల తేదీ దగ్గర పడుతున్న నేపథ్యంలో ఖుషి టీం ఇప్పటికే ప్రమోషన్స్‌లో బిజీగా ఉంది. మేకర్స్ లాంఛ్ చేసిన ఖుషి ట్రైలర్ (Kushi Trailer)కు మంచి స్పందన వస్తోంది. కశ్మీర్‌కు వచ్చిన విజయ్ దేవరకొండ..అక్కడ లోకల్‌ అమ్మాయి బేగం (సామ్‌)ప్రేమలో పడటం.. ఆ తర్వాత తాను బేగం కాదు బ్రాహ్మిణ్‌ అంటూ సామ్‌ చెప్పడం, ఇద్దరి మధ్య ఎలాంటి ట్రాక్ నడిచిందనేది కొంచెం సస్పెన్స్‌లో పెడుతూ ఫన్‌, రొమాంటిక్‌ టచ్‌తో సాగుతున్న ట్రైలర్ సినిమాపై అంచనాలు పెంచేస్తుంది.
ఖుషి నుంచి విడుదల ఫస్ట్‌ సింగిల్‌ నా రోజా నువ్వే (Na Rojaa Nuvve) నెట్టింట మిలియన్ల సంఖ్యలో వ్యూస్ రాబడుతుండగా.. ఆరాధ్య సాంగ్‌తోపాటు మిగిలిన పాటలు మ్యూజిక్ లవర్స్‌ను ఆకట్టుకుంటున్నాయి. ఈ చిత్రానికి మలయాళ మ్యూజిక్ డైరెక్టర్‌ హేశమ్‌ అబ్ధుల్‌ వహబ్‌ సంగీతం అందిస్తున్నాడు.
